2 დეკემებრს, 15:00  საათზე, კავკასიის უნივერსიტეტის ბიბლიოთეკაში, გაიმართება კავკასიის უნივერსიტეტის „საქართველოს შემსწავლელი საერთაშორისო კვლევის ცენტრის“ მიერ ორგანიზებული საჯარო ლექცია თემაზე „ცენზურა და პოსტცენზურული ხელოვნება“.

ლექციას წაიკითხავს კავკასიის უნივერსიტეტის პროფესორი, ინგლისური ფილოლოგიის პროგრამის ხელმძღვანელი ქეთი გრძელიძე და თათია მთვარელიძე ასოცირებული პროფესორი.

განხილული იქნება ხელოვნებაში გამოხატვის თავისუფლების შეზღუდვის შედეგები და მათი ზემოქმედება არამხოლოდ უშუალოდ ცენზურის, არამედ ცენზურის პერიოდშიც. ვერნათქვამი სიტყვების, „დაკარგული სიმართლისა“ და, შესაბამისად, ვერ შეფასებული მოვლენებისა თუ პროცესების ტვირთი მძიმედ აწვება ხელოვნებასა და საზოგადოებას; ცენზურა შლის ხელოვნების განვითარების, ტრადიციის გადაფასება-გადააზრების ბუნებრივი კალაპოტს, რაც აისახება არამხოლოდ ხელოვნების, არამედ საზოგადოებისა და, ზოგადად, თავისუფალი აზრის განვითარებაზე.

ლექციაზე ყურადღება გამახვილდება შემდეგ საკითხებზე: პირდაპირი და არაპირდაპირი ცენზურა (პირდაპირი, პოლიტიკური აკრძალვები ან კონკრეტული თემების არაპირდაპირი, სოციალური ტაბუირება; სახელოვნებო „ელიტის“ პირდაპირი და არაპირდაპირი კონტროლი); რას ნიშნავს პოსტცენზურული პერიოდის ფარული ზემოქმედება? როდის არის ხელოვნება პოლიტიკური და რას ნიშნავს ხელოვნების პოლიტიკურობა?

დასწრების მსურველებმა რეგისტრაცია უნდა გაიარონ ბმულზე.