კავკასიის უნივერსიტეტი, კავკასიის ჰუმანიტარულ და სოციალურ მეცნიერებათა სკოლა (CSH) და კავკასიის მედიის სკოლა (CSM) აცხადებს ვაკანსიას სამაგისტრო პროგრამის აკადემიური მენეჯერის თანამდებობაზე.

სამუშაო მოვალეობები:

ა) სტუდენტების და ლექტორების  ტექნიკურ  საკითხებზე   კონსულტირება/დახმარება და   სასწავლო პროცესის შეუფერხებლად წარმართვის უზრუნველჰყოფა;

ბ) სემესტრული რეგისტრაციისა და ხელშეკრულების გაფორმების პროცესში სტუდენტების დახმარება და კომპეტენციის ფარგლებში კონსულტირება;

გ) სტუდენტებისათვის განკუთვნილი სხვადასხვა  სახის ინფორმაციისა და საუნივერსიტეტო რეგულაციების შესახებ სიახლეების სტუდენტებისათვის მიწოდება და პრაქტიკაში გატარების ხელშეწყობა;

დ)სასწავლო პროცესის განმავლობაში საგანმანათლებლო პროგრამის სილაბუსების ელექტორნულ სისტემაში დროულად ატვირთვის მონიტორინგი;

ე)ლექტორების მიერ ჩატარებული სალექციო საათების ჩატარება-აღდგენაზე შესაბამისი მონაცემების ბაზაში შეყვანა, მათ შორის დაცვის თანამშრომლის მიერ შეტანილი მონაცემების გადამოწმება;

ვ) სტუდენტთა დასწრების ელექტრონული  ბაზის წარმოების მონიტორინგის განხორციელება;

ზ) სტუდენტებისთვის  საჭირო დოკუმენტების მიღებაზე დახმარების გაწევა;

თ) ლექტორების მხრიდან ნიშნების ბაზაში დროულად შეყვანის მონიტორინგი;

ი) სკოლის სასწავლო პროგრამის ფარგლებში კომისიური სხდომების ორგანიზება და  დაოქმება;

კ) შუალედურ და დასკვნით გამოცდებზე დასწრება;

ლ) სტუდენტის მიერ შუალედურ და დასკვნით გამოცდაზე მიღებული შეფასების შეტანა ნიშნების ბაზაში;

მ) საბოლოო სემესტრული შეფასების ელექტრონული უწყისის შექმნა და ბაზაში ატვირთვა;

ნ) სტუდენტების მიერ გაცდენილი შუალედური და დასკვნითი გამოცდების აღდგენის პროცესის კოორდინირება;

პ) კომპეტენციის ფარგლებში ავტორიზაციის/აკრედიტაციის პროცესში მონაწილეობა;

საკვალიფიკაციო მოთხოვნები:

• უმაღლესი განათლება;
• მუშაობის არანაკლებ ერთ წლიანი გამოცდილება. უმაღლეს საგანმანათლებლო დაწესებულებაში ადმინისტრაციულ პოზიციაზე მუშაობის გამოცდილება ჩაითვლება უპირატესობად;
• საოფისე კომპიუტერული პროგრამების ცოდნა;
• ინგლისური ენის ცოდნა (ენის ცოდნის კომპეტენცია შემოწმდება ტესტირების ან გასაუბრების საფუძველზე)

პიროვნული უნარ-ჩვევები

• მაღალი პასუხისმგებლობის გრძნობა;
• ანალიტიკური აზროვნების უნარი;
• აკადემიური წერის უნარები;
• დროის ეფექტურად მართვის უნარი;
• დეტალებზე ორიენტირებულობა;
• პუნქტუალურობა;
• დისციპლინირებულობა.

სამუშაო პირობები:

• სამუშაო დღე სრულ განაკვეთზე, ორშაბათიდან - შაბათის ჩათვლით (შაბათი მოკლე სამუშაო დღე);
• ანაზღაურება (ხელზე ასაღები): გამოსაცდელი ვადის დროს შეთანხმებისამებრ. გამოსაცდელი ვადის შემდეგ 800 ლარი;
• გამოსაცდელი ვადა: 3 თვე

დაინტერესებულმა პირებმა, გთხოვთ გამოაგზავნოთ თქვენი რეზიუმე (CV) ქართულ და ინგლისურ ენაზე (რეზიუმეში აუცილებლად მიუთითეთ რეკომენდატორის სახელი, გვარი და საკონტაქტო ინფორმაცია), ორმაგი ვაქცინაციის დამადასტურებელი დოკუმენტი ელექტრონული ფოსტის შემდეგ მისამართზე: hr@cu.edu.ge

გთხოვთ, გამოგზავნისას ელექტრონული ფოსტის სათაურის (subject) ველში მიუთითოთ:  “CSM-CSH - სამაგისტრო პროგრამის აკადემიური მენეჯერი“.

• კანდიდატები აირჩევა გასაუბრებისა და ტესტირების საფუძველზე.

საბუთების მიღების ბოლო ვადა: 2022 წლის 20 მაისის ჩათვლით.

შენიშვნა: კავკასიის უნივერსიტეტი იტოვებს უფლებას გადაამოწმოს თქვენს მიერ მოწოდებული ინფორმაცია და დაკავშირება მოხდება მხოლოდ II ეტაპზე გადასულ კანდიდატებთან.

გისურვებთ წარმატებას!