უნივერსიტეტი იწვევს მოტივირებულ სტუდენტებს მონაწილეობაის მისაღებად უნიკალურ საერთაშორისო პროგრამაში, რომლის მიზანია მშვიდობის ხელშეწყობა.
პროგრამა ფოკუსირებულია სამშვიდობო განათლებაზე, რაც ეფუძნება ღირებულებით სწავლებასა და ცოდნაზე დაფუძნებული განათლების (VaKE - Values and Knowledge Education) მიდგომებს და ხორციელდება ავსტრიის, საქართველოსა და სომხეთის ერთობლივი პროექტის ფარგლებში - ეს არის ინოვაციური, სტუდენტზე ორიენტირებული მეთოდი, რომელიც აერთიანებს ღირებულებებზე დაფუძნებულ და კვლევაზე ორიენტირებულ სწავლებას.
შერჩეული სტუდენტები:
- მიიღებენ მონაწილეობას ექსპერტების მიერ ჩატარებულ ტრენინგებსა და ვორქშოფებში
- ითანამშრომლებენ თანატოლებთან საქართველოდან და სომხეთიდან მშვიდობაზე ორიენტირებულ სათემო პროექტებზე
- მიიღებენ მონაწილეობას 3-დღიან საერთაშორისო სტუდენტურ შეხვედრაში, რომელიც გაიმართება საქართველოში (10–14 მაისი), კავკასიის უნივერსიტეტში
- შეიძენენ გამოცდილებას მშვიდობის აღმშენებლობის, ინტერკულტურული დიალოგისა და საზოგადოებრივ ცხოვრებაში ჩართულობის საკითხებზე
- ტრენინგის დასრულების შემდეგ მიიღებენ მონაწილეობის დამადასტურებელ სერტიფიკატებს
მონაწილეთა შერჩევის კრიტერიუმები:
- განათლების ფაკულტეტის ინტეგრირებული პროგრამის სტუდენტები და სხვა დაინტერესებული ბაკალავრიატის საფეხურის სტუდენტები (მეორე და მესამე კურსის) ან მაგისტრატურის სტუდენტი (პირველი კურსის)
- ინტერესი მშვიდობის განათლების, სოციალური საკითხების ან საზოგადოებრივი განვითარების მიმართ
- საერთაშორისო თანამშრომლობასა და დიალოგში მონაწილეობის მოტივაცია
- ინგლისური ენის კარგი ცოდნა (პროექტის სამუშაო ენაა ინგლისური)
- მზადყოფნა ყველა ტრენინგსა და პროექტის აქტივობაში სრულფასოვანი მონაწილეობის მისაღებად
განაცხადების მიღების ბოლო ვადა: 31 მარტი.
აპლიკაციის შესავსებად გადადით ბმულზე.
დამატებითი ინფორმაციისთვის დაგვიკავშირდით შემდეგ ელ: ფოსტაზე: kvasadze@cu.edu.ge agoglichidze@cu.edu.ge