14 აგვისტოს, გაიმართა სტარტაპ ინკუბატორის პროგრამის პირველი ონლაინ ლექცია თემაზე: „მომხმარებლის პროფილის შექმნა და ვალიდაცია“, რომელსაც ტრენერი შალვა ოთანაძე უძღვებოდა. სესია პროგრამის საგანმანათლებლო კომპონენტის პირველი მნიშვნელოვანი ეტაპი იყო და მიზნად ისახავდა მონაწილეებისთვის აუცილებელი ცოდნისა და პრაქტიკული უნარების გადაცემას სტარტაპის განვითარების პროცესის გასაძლიერებლად.
ლექციის ფარგლებში მონაწილეებმა შეისწავლეს მომხმარებლის პროფილის განსაზღვრისა და ვალიდაციის მეთოდოლოგია. განსაკუთრებული აქცენტი გაკეთდა სამიზნე აუდიტორიის საჭიროებების იდენტიფიკაციასა და მომხმარებლის მოთხოვნების სწორად ვალიდაციაზე, როგორც მინიმალური სიცოცხლისუნარიანი პროდუქტის (MVP) განვითარების საწყის საფუძველზე.
ლექცია კითხვა-პასუხის სესიით დასრულდა, სადაც მონაწილეებმა განიხილეს საკუთარი პროექტების სპეციფიკა და ტრენერისგან მიიღეს ინდივიდუალური, პრაქტიკული რეკომენდაციები. აღნიშნულმა დისკუსიამ ხელი შეუწყო თეორიული ცოდნის გააზრებას და მის პირდაპირ პრაქტიკულ გამოყენებას სტარტაპ იდეების განვითარებაში.
სტარტაპ ინკუბატორის ონლაინ ლექციების სერია წარმოადგენს პროგრამის მნიშვნელოვან ნაწილს, რომელიც მიზნად ისახავს გუნდების ბიზნეს იდეების ვალიდაციის პროცესის გაძლიერებას, მომხმარებელზე ორიენტირებული მიდგომების დამკვიდრებას და მდგრადი განვითარების მოდელების შექმნის ხელშეწყობას.
.png)
