ცეტისის უნივერსიტეტი, მექსიკა (CETYS University, Mexico) დაინტერესებულ პირებს იწვევს ონლაინ პროგრამაში “საპასუხისმგებლო კონკურენტუნარიანობა“ მონაწილეობის მისაღებად (14 ოქტომბერი - 18 ნოემბერი).

პროგრამის ფარგლებში განხილული იქნება შემდეგი თემები:

• საერთო ეკონომიკური და სოციალური ღირებულების შექმნა;
• საპასუხისმგებლო კონკურენტუნარიანობა: ფირმებიდან ბაზრებამდე;
• დაინტერესებული მხარეების სტრატეგიული მართვა;
• წრიული ეკონომიკა;
• ESG რეპორტინგი.

კავკასიის უნივერსიტეტის სტუდენტებისთვის პროგრამაში მონაწილეობის მიღება უფასოა.

პროგრამაში მონაწილეობის მსურველმა აქტიურმა სტუდენტებმა, შემდეგი დოკუმენტები უნდა წარმოადგინონ ინგლისურ ენაზე:

• შევსებული სააპლიკაციო ფორმა;
• ინგლისური ენის მინიმუმ B1 დონის დამადასტურებელი ცნობა;
• ნიშნების ფურცელი (მინიმალური კუმულაციური GPA უნდა შეადგენდეს 3.5-ს).

რეგისტრაციის საბოლოო ვადა: 6 ოქტომბერი, 2023.

დამატებითი კითხვების შემთხვევაში გთხოვთ მიმართოთ პროგრამის ორგანიზატორებს შემდეგ ელექტრონულ მისამართზე: diana.woolfolk@cetys.mx

გისურვებთ წარმატებას!