კავკასიის უნივერსიტეტის კიბერ უსაფრთხოების ცენტრმა და Scientific Cyber Security Association - SCSA გაიმარჯვა 2022 წლის მეცნიერების პოპულარიზაციისათვის მიზნობრივ საგრანტო კონკურსში, რომელიც შოთა რუსთაველის საქართველოს ეროვნული სამეცნიერო ფონდის მიერ ფინანსდება.
პროექტის სახელწოდება: კიბერ უსაფრთხოების CISCO აკადემია ბავშვებისთვის.
აღნიშნული პროექტის მიზანია სკოლის ასაკის ბავშვებში აამაღლოს კიბერ უსაფრთხოების ცნობიერება და შესძინოს მათ პრაქტიკული უსაფრთხოების უნარ-ჩვევები. მსმენელებს ჰიბრიდულ რეჟიმში წვდომა ექნებათ ყველა თანამედროვე მოწყობილობის იმიტატორ/სიმულატორზე, რომელთა მეშვეობით ისინი მიიღებენ Cisco_ს მოწყობილობების კონფიგურირებისა და დაპროგრამების საბაზისო უნარებს, როგორიცაა ქსელებში შეღწევისა და პრევენციის სისტემა - IPS, ქსელებში შეღწევის აღმომჩენი სისტემა - IDS, ქსელური ფილტრი, Firewall.
პროექტის ხელმძღვანელია კავკასიის უნივერსიტეტის პროფესორი, კავკასიის კიბერ უსაფრთხოების ცენტრის დირექტორი მაქსიმ იავიჩი.
პროექტის კოორდინატორი: კავკასიის კიბერ უსაფრთხოების ცენტრის დირექტორის მოადგილე, დოქტორი გიორგი იაშვილი.
პროექტის საერთაშორისო კონსულტანტი: პროფესორი აუდრიუს ლოპატა.
ძირითადი პერსონალი: პროფესორი ავთანდილ გაგნიძე და არჩილ შენგელია.
პროექტის მენეჯერი: დიანა პოპოვა.
