მენიუ

ინფორმაციული ტექნოლოგიების მენეჯმენტი 1+1

კავკასიის ტექნოლოგიების სკოლის სამაგისტრო პროგრამა ინფორმაციული ტექნოლოგიების მენეჯმენტში გაძლევთ უნიკალურ შანსს დაწინაურდეთ წამყვან პოზიციებზე IT სფეროში.



რატომ ჩვენი სამაგისტრო პროგრამა?



თანამედროვე პროგრამა: პროგრამის კურსდამთავრებული იქნება თანამედროვე მოთხოვნების შესაბამისი მაღალი დონის სპეციალისტი ინფორმაციული ტექნოლოგიების მენეჯმენტში, ინფორმაციული ტექნოლოგიების ღრმა ცოდნითა და ბიზნესის გარემოს კარგი ანალიზის, ინოვაციური მეთოდებით მართვის და პრობლემების ანალიტიკურად გადაჭრის უნარით. პროგრამის შემუშავებისას გათვალისწინებულია პარტნიორი უცხოური უნივერსიტეტების დარგის წამყვანი სპეციალისტებისა და პროფესორების რეკომენდაციები.



ტექნიკური და მენეჯერული ცოდნისა და უნარ-ჩვევების კომბინაცია: პროგრამაში აქცენტი გაკეთებულია ტექნიკური ცოდნისა და უნარების განვითარებაზე, მაგრამ ამავე დროს პროგრამა იძლევა საკმაოდ მაღალი დონის ცოდნას ბიზნესის მუშაობის პრინციპებზე. დღეს, გლობალური კონკურენციის ხანაში ორგანიზაციებს სჭირდებათ სწორედ ისეთი ადამიანები, რომელთაც გააჩნიათ კომპლექსური ცოდნა. განსაკუთრებით დიდია მოთხოვნა ადამიანებზე, რომელთაც აქვთ ბიზნესისა და ტექნოლოგიების კომბინირებული ცოდნა: ღრმა ტექნიკური ცოდნა და ბიზნესის სტრატეგიის კარგი ანალიზის უნარი.



მოქნილი სტრუქტურა: თითოეული საგანი ისწავლება კვირაში ერთხელ, საღამოს საათებში, რაც საშუალებას აძლევს დასაქმებულ ადამიანებს დაესწრონ ლექციებს სამუშაო საათების შემდეგ. სტუდენტებს შეუძლიათ აირჩიონ სემესტრში მინიმუმ ორი საგანი.



პროგრამის სამუშაო ენა არის ინგლისური/ქართული. ინგლისური ენის ცოდნა სავალდებულოა.

 

 

 

რას ნიშნავს „1+1" მოდელი?

 

სამაგისტრო პროგრამა ხორცილედება ორი დამოუკიდებელი, თანმიმდევრული საფეხურის -„1+1" მოდელის - მეშვეობით:

 

  • ნაწილი 1 - 1-წლიანი (60 ECTS) სამაგისტრო საფეხური, რომლის დასრულების შემდეგ სტუდენტი იღებს დამოუკიდებელ სამაგისტრო კვალიფიკაციას და შეუძლია დასაქმდეს ან სწავლა შეწყვიტოს;
  • ნაწილი 2 - დამატებითი, 1-წლიანი (60 ECTS) კვლევითი საფეხური, რომელზე ჩარიცხვაც ცალკე მიმღები პროცედურით ხდება და რომლის დასრულების შემდეგ გაიცემა კვლევის მაგისტრის ხარისხი.

 

ინფორმაციული ტექნოლოგიების მენეჯმენტის სამაგისტრო პროგრამა ხორციელდება „1+1" მოდელის შესაბამისად და მოიცავს ორ ნაწილს:

 

ნაწილი 1 

მისანიჭებელი კვალიფიკაცია: ინფორმაციული ტექნოლოგიების მენეჯმენტის მაგისტრი (60 ECTS)

 

სწავლების სტანდარტული ვადაა ერთი წელი, დასაშვები ხანგრძლივობა - ორი წელი.

 

  • სავალდებულო სასწავლო კურსები - 42 ECTS კრედიტი
  • არჩევითი სასწავლო კურსები - 12 ECTS კრედიტი
  • თავისუფალი კრედიტები - 6 ECTS კრედიტი

 

ნაწილი 2 

 

მისანიჭებელი კვალიფიკაცია: ინფორმაციული ტექნოლოგიების მენეჯმენტის კვლევის მაგისტრი (60 ECTS)

 

სწავლების სტანდარტული ვადაა ერთი წელი, დასაშვები ხანგრძლივობა - ორი წელი. ჩარიცხვა შესაძლებელია მხოლოდ ნაწილი 1-ის ან ICT მიმართულების სხვა სამაგისტრო პროგრამის დასრულების შემდეგ.

 

  • სამაგისტრო ნაშრომი - 30 ECTS კრედიტი
  • არჩევითი სასწავლო კურსები - 18 ECTS კრედიტი
  • საუნივერსიტეტო სავალდებულო სასწავლო კურსი - 6 ECTS კრედიტი
  • თავისუფალი კრედიტები - 6 ECTS კრედიტი

 

 

იხილეთ პროგრამა

 

მიღების წესი:

 

ინფორმაციული ტექნოლოგიების მენეჯმეტის სამაგისტრო პროგრამაზე ჩარიცხვის წინაპირობაა:

 

  • ბაკალავრის ხარისხი შესაბამის ან მონათესავე (ინჟინერია, ბიზნესის ადმინისტრირება, საბუნებისმეტყველო მეცნიერებები) დარგში;
  • სსიპ შეფასებისა და გამოცდების ეროვნული ცენტრის მიერ ჩატარებული საერთო სამაგისტრო გამოცდის ჩაბარება;
  • საერთო სამაგისტრო გამოცდის ჩაბარების გარეშე პროგრამაზე ჩარიცხვა ხორციელდება კანონმდებლობით დადგენილი წესის მიხედვით.პროგრამაზე მობილობის წესით ჩარიცხვა შესაძლებელია კანონმდებლობით დადგენილი წესით;
  • შიდა საუნივერსიტეტო წერითი გამოცდის წარმატებით გავლა (მოიცავს ინგლისურის გააზრებისა და წერის კომპონენტებს B2 დონის შესაბამისად და ზოგადი ლოგიკური და რაოდენობრივი მსჯელობის კითხვებს);
  • აპლიკანტი შეიძლება განთავისუფლდეს მოცემული პირობისაგან, იმ შემთხვევაში, თუ არსებობს ენის ცოდნის დამადასტურებელი დოკუმენტი (IELTS-6.0, TOEFL-78,  B2 დონის სხვა რელევანტური საერთაშორისო სერტიფიკატი ან უნივერსიტეტის რეგულაციით დადგენილი სხვა გარემოება) (ტესტის ნიმუში);
  • კავკასიის ტექნოლოგიების სკოლის სამაგისტრო მიმღებ კომისიასთან ზეპირი გამოცდის წარმატებით გავლა (გასაუბრების ფორმატი) .

 

უცხო ქვეყნის მოქალაქეები პროგრამაზე მიიღებიან ერთიანი ეროვნული გამოცდების გარეშე, კანონმდებლობით დადგენილი წესით.

 

დეტალებთან  დაკავშირებით მიმართეთ საერთაშორისო ურთიერთობების დეპარტამენტს.

 

  

წარმოსადგენი დოკუმენტაცია:

 

  • შევსებული online აპლიკაცია; 
  • ნოტარიულად დამოწმებული დიპლომის და მისი დანართის ასლი ან უმაღლესი სასწავლებლის მიერ გაცემული ცნობა ხარისხის მინიჭების შესახებ და ნიშნების ფურცლის ასლი;
  • უცხო ქვეყნის უმაღლესი საგანმანათლებლო დაწესებულების მიერ გაცემულ დიპლომი უნდა იყოს დამოწმებული აპოსტილით განათლების ხარისხის განვითარების ეროვნული ცენტრის მიერ;
  • პირადობის მოწმობის ასლი;
  • სამხედრო მიწერის ასლი (ვაჟებისთვის);
  • ორი  ფერადი ფოტოსურათი 3X4 , ბეჭდური და ციფრული ვერსია CD-ზე;
  • საერთო სამაგისტრო გამოცდის საგამოცდო ბარათი;
  • რეზიუმე / CV; 
  • სამოტივაციო წერილი;
  • სარეკომენდაციო წერილი;
  • უცხო ენაზე შედგენილი დოკუმენტ(ებ)ი უნდა წარმოადგინოთ ქართულად თარგმნილი და დამოწმებული ნოტარიულად. 

 

თარიღები:

 

  • საბუთების მიღება: 3 სექტემბერი, 10:00-18:00 საათამდე, ოთახი A2;
  • მისაღები და შიდა საგრანტო ტესტირება: 4-5 სექტემბერი;
  • მიმღებ კომისიასთან გასაუბრება: 8-9 სექტემბერი.

 

სწავლის საფასური და დაფინანსება:

 

პროგრამა წლიური საფასური წლიური საფასური - CU გრანტით
ინფორმაციული ტექნოლოგიების მენეჯმენტი 7990 ლარი 3995 ლარი

 

CU გრანტი - 50%-იანი დაფინანსება

 

მაგისტრატურაზე სწავლის დაფინანსება შეგიძლიათ CU გრანტით, რომელიც სწავლის საფასურის 50%-ს ფარავს.

 

CU გრანტის მოპოვების ორი შესაძლებლობა არსებობს:

 

  • თუ ხართ/იქნებით ნებისმიერი უნივერსიტეტის საბაკალავრო პროგრამის კურსდამთავრებული და გაქვთ ბაკალავრიატის ჯამური ქულათა საშუალო შეწონილი (GPA) 3,5 და მეტი;
  • თუ საერთო სამაგისტრო გამოცდაზე დააგროვებთ შეჯამებული მაქსიმალური ქულის 65% და მეტს.

 

თუ ორი პირობიდან რომელიმეს აკმაყოფილებთ, შესაძლებლობა გექნებათ ჩაერთოთ საგრანტო კონკურსში და მოიპოვოთ 50%-იანი დაფინანსება.

 

CU გრანტის შენარჩუნების პირობები:

 

1+1 მოდელის სამაგისტრო პროგრამები

 

  • CU გრანტის შესანარჩუნებლად სტუდენტმა პროგრამის პირველი ნაწილი (ნაწილი 1) უნდა დაასრულოს ერთ აკადემიურ წელში.
  • პროგრამის მეორე ნაწილზე (ნაწილი 2) სწავლის გაგრძელების შემთხვევაში, გრანტი შენარჩუნდება, თუ სტუდენტი სწავლას გააგრძელებს უწყვეტ რეჟიმში და პირველი ნაწილის (ნაწილი 1) GPA იქნება 3.8 ან მეტი. 
  • სტუდენტებს, რომლებიც პროგრამის პირველ ნაწილზე (ნაწილი 1) CU გრანტით არ სარგებლობდნენ, პროგრამის მეორე ნაწილზე (ნაწილი 2) 50%-იანი CU გრანტის მიღების შესაძლებლობა ექნებათ, თუ ნაწილი 1-ს ერთ აკადემიურ წელში დაასრულებენ და მათი GPA იქნება 3.8 ან მეტი.

შოთა ნიჟარაძე

დეკანი

ტელ: (+995 32) 237 77 77 (340)

ელფოსტა: shnizharadze@cu.edu.ge 

ოთახი: C6

 

ნათია სულაბერიძე

საბაკალავრო და სამაგისტრო საგანმანათლებლო პროგრამების ადმინისტრაციული დირექტორი

ტელ: (+995 32) 237 77 77 (277)

მობ: (+995) 599 574 128

ელფოსტა: nsulaberidze@cu.edu.ge 

ოთახი: B26