აშშ-ის საელჩო საქართველოში აცხადებს განაცხადების მიღებას 2024-2025 აკადემიური წლის ფულბრაიტის სამაგისტრო სასტიპენდიო პროგრამაზე (2024-2025 Fulbright Graduate Student Program).

სასტიპენდიო პროგრამა ითვალისწინებს აშშ-ის უნივერსიტეტების სამაგისტრო პროგრამაზე სწავლის სრულ დაფინანსებას.

დაინტერესებული კანდიდატი უნდა აკმაყოფილებდეს შემდეგ კრიტერიუმებს:

• უნდა იყოს საქართველოს მოქალაქე ან ნეიტრალური სამგზავრო დოკუმენტის მფლობელი აფხაზეთიდან (საქართველო) ან ყოფილი სამხრეთ ოსეთის ავტონომიური ოლქიდან (საქართველო);
• უნდა ჰქონდეს საბაკალავრო სწავლების საფეხური დასრულებული;
• უნდა ფლობდეს ზეპირ და წერით ინგლისურს იმ დონეზე, რომელიც მას საშუალებას მისცემს ისწავლოს აშშ-ში სამაგისტრო პროგრამაზე;
• უნდა აკმაყოფილებდეს J-1 ვიზის მოთხოვნებს, მათ შორის, სტიპენდიანტი, სწავლის დასრულების შემდეგ უნდა დაბრუნდეს საქართველოში მინინუმ ორი წლით;
• უნდა გაიაროს სამედიცინო შემოწმება სწავლის დაწყებამდე.

განცხადების პროცესი:

დაინტერესებულმა კანდიდატებმა ონლაინ სააპლიკაციო სისტემის მეშვეობით უნდა შეავსონ ელექტრონული განაცხადი და ატვირთონ შემდეგი დოკუმენტები: 

• 3 სარეკომენდაციო წერილი;
• დიპლომის ასლი (ინგლისურენოვანი);
• ნიშნების ფურცელი (ინგლისურენოვანი);
• რეზიუმე-PDF ფორმატში;

რეგისტრაციის საბოლოო ვადა: 1 აგვისტო, 2023.

პროგრამის შესახებ დეტლური ინფორმაციის მისაღებად გთხოვთ ეწვიოთ ბმულს.

გისურვებთ წარმატებას!