ვარშავის უნივერსიტეტის აღმოსავლეთ ევროპის კვლევების ცენტრი (The East European Studies Centre of the University of Warsaw) გიწვევთ პოლონეთის მთავრობის სასტიპენდიო პროგრამის რიგით 24-ე გამოშვებაში მონაწილეობის მისაღებად. აღნიშნული სასტიპენდიო პროგრამა მიზნად ისახავს კვლევითი სტაჟირების განხორციელებას პოლონეთის უნივერსიტეტებში.

სტიპენდიის გამოყენების პერიოდი: 2026 წლის სექტემბერიდან - 2027 წლის ივნისის ჩათვლით.

სტიპენდიის ოდენობა: 1,800 PLN ნეტო თვეში. (≈ 1340 ლარი)

სტიპენდია მოიცავს:

• 10 თვიან სამეცნიერო სტაჟირებას შერჩეულ უნივერსიტეტში;
• პოლონური ენის კურსს ვარშავის უნივერსიტეტში;
• აკადემიურ ხელმძღვანელს და კვლევითი პროექტის განხორციელების შესაძლებლობას.
• აკადემიურ ლექციებსა და სემინარებში მონაწილეობას. 

აუცილებელი პირობები:

• მონაწილე უნდა იყოს 35 წლამდე
• უმაღლესი განათლება (მინიმუმ ბაკალავრის/მაგისტრის ხარისხი)
• მონაწილეები დაინტერესებულები უნდა იყვნენ ჰუმანიტარული და სოციალური მეცნიერებებით

დამატებითი ინფორმაცია პროგრამაში მონაწილეობისა და განაცხადის მომზადების შესახებ იხილეთ მოცემულ ბმულზე.

განაცხადების გაგზავნის საბოლო ვადაა 2026 წლის 1 მარტი.

დოკუმენტები უნდა გაიგზავნოს შემდეგ ელ.მისამართზე: stypie.studium@uw.edu.pl  

გისურვებთ წარმატებას!