კავკასიის უნივერსიტეტი აცხადებს აკადემიური პერსონალისთვის საკონკურსო განაცხადების მიღებას 2025 წლის გაზაფხულის სემესტრში, Erasmus +ის საერთაშორისო გაცვლითი პროგრამის ფარგლებში, კრაკოვის ეკონომიკის უნივერსიტეტში, პოლონეთი,, მონაწილეობის მისაღებად.
Erasmus + ის გაცვლითი პროგრამა აკადემიური პერსონალის საერთაშორისო მობილობისთვის ითვალისწინებს მგზავრობის ხარჯის დაფარვას და გასცემს სტიპენდიას.. სტიპენდიის ოდენობა განსაზღვრულია Erasmus+ ის სახელმძღვანელოსა და მიმღები ქვეყნის კანონმდებლობის შესაბამისად.
პარტნიორ უნივერსიტეტში სამუშაო ვიზიტი/მობილობა არის ერთკვირიანი (5 სამუშაო დღე + 2 დღე მგზავრობისთვის). ვიზიტის პროგრამა შემუშავებულია პარტნიორი უნივერსიტეტის მიერ.
განაცხადების წარმოდგენა შეუძლია:
- კავკასიის უნივერსიტეტის აკადემიურ თანამდებობაზე დასაქმებულ ლექტორს
კონკურსში მონაწილეობის მიზნებისათვის აუცილებელია ინგლისური ენის ფლობა და შემდეგი დოკუმენტების წარმოდგენა ინგლისურ ენაზე:
- საერთაშორისო პასპორტის ასლი;
- EUROPASS CV
- 1 სამოტივაციო წერილი;
- 1 სარეკომენდაციო წერილი ფაკულტეტიდან.
არ განიხილება განაცხადები, რომლებიც:
- იქნება არასრულყოფილი ან დადგენილი მოთხოვნების შეუსაბამო;
- იქნება დაგვიანებით ან ეტაპობრივად წარმოდგენილი.
კანდიდატებს განაცხადების წარმოდგენა შეუძლიათ ელექტრონული ფორმით 2025 წლის 20 აპრილის ჩათვლით შემდეგ მისამართზე: ir@cu.edu.ge
შერჩევის პროცედურა:
- წარმოდგენილ სააპლიკაციო დოკუმენტებს განიხილავს კავკასიის უნივერსიტეტის საკონკურსო კომისია;
- შერჩევის პროცესში უპირატესობა მიენიჭება იმ კანდიდატებს, რომლებსაც ჯერ არ უსარგებლიათ Erasmus+ მობილობის პროგრამით;
- საჭიროების შემთხვევაში, შესაძლოა დაინიშნოს გასაუბრება;
- შერჩეული კანდიდატების ნომინირება და დოკუმენტების მიწოდება მიმღები უნივერსიტეტისათვის;
- აკადემიური პერსონალის საბოლო შერჩევა მოხდება მიმღები უნივერსიტეტის მიერ;
დამატებითი ინფორმაციისთვის მიმართეთ კავკასიის უნივერსიტეტის საერთაშორისო ურთიერთობების დეპარტამენტს, მეორე სართული, ოთახი B25, ან მოგვწერეთ შემდეგ ელექტრონულ მისამართზე ir@cu.edu.ge.