ქართულ ენაში მომზადების საგანმანათლებლო პროგრამა 60 ECTS კრედიტიანია, გრძელდება 2 სემესტრის განმავლობაში, თითოეული სემესტრი მოიცავს 30 ECTS კრედიტს.

პროგრამის  30 ECTS კრედიტი, პირველი სემესტრის ფარგლებში, დაეთმობა სხვადასხვა ენობრივი კომპეტენციების (წერა, კითხვა, მოსმენა, ლაპარაკი) მქონე სტუდენტთა დონის გათანაბრებას მეორე სემესტრის ერთიანი სავალდებულო კურსისთვის, რისთვისაც სტუდენტები ქართულ ენაში ჩატარებული წინასწარი გამოცდის შედეგების საფუძველზე (წერითი და კითხვის უნარები - წერილობითი პრეტესტის, ხოლო მოსმენა-ლაპარაკის კომპეტენციები  აუდიოტექსტის და ზეპირი ინტერვიუს ჩაბარების გზით განისაზღვრება)  საწყისი ენობრივი კომპეტენციების მიხედვით განაწილდებიან A და B ბლოკის ჯგუფეში.

მეორე სემესტრის ფარგლებში, 20 ECTS კრედიტი დაეთმობა ქართული ენის ერთიან სავალდებულო კურსს, გარდა ამისა, პროგრამაში შეტანილია ინტერკულტურული სწავლების სავალდებულო კომპონენტი (5 კრედიტი), შემდეგი კურსის სახით : „ტოლერანტობა და მრავალფეროვანი სამყარო“.

ამავე   სემესტრში  სტუდენტები ისწავლიან  5 ECTS კრედიტიან სავალდებულო - არჩევითი  სტატუსის მქონე დარგობრივ მოდულს 4 მიმართულებით (ჰუმანიტარული და სოციილოგია; ბიზნესი და ტექნოლოგიები; საჯარო მართველობა; მედიცინა და ჯანდაცვა), 6 ქვემიმართულებაზე (დარგობრივი ენა - ჰუმანიტარული მეცნიერებები; დარგობრივი ენა - განათლება და სოციალური მეცნიერებები, მედია და კინო ენა; დარგობრივი ენა - ტექნოლოგიები;  დარგობრივი ენა - ბიზნესი, ეკონომიკა, ტურიზმი; დარგობრივი ენა - სამართალი, საერთაშორისო ურთიერთობები და სახელმწიფო მართვა; დარგობრივი ენა - მედიცინა და ჯანდაცვა). 

ეს არჩევითი დარგობრივი კურსები შეიქმნა სტუდენტთა მომავალი პროფესიული არჩევანის გათვალისწინებით და გულისხმობს იმ ტერმინოლოგიის, დარგობრივი ლექსიკისა და სპეციფიკური ენობრივი კონსტრუქციების სწავლებას, რომლებიც ამა თუ იმ დარგობრივი მიმართულებისთვისაა (რეალურად, არჩევანი მოიცავს კავკასიის უნივერსიტეტის ყველა სკოლის მიმართულებას) დამახასიათებელი.  

ქართულ ენაში მომზადების საგანმანათლებლო პროგრამაზე სწავლის უფლება აქვთ აბიტურიენტებს ერთიანი ეროვნული გამოცდების ზოგადი უნარების აზერბაიჯანულენოვანი, სომხურენოვანი, აფხაზურენოვანი და ოსურენოვანი ტესტების შედეგების, ხოლო ოსურენოვან და აფხაზურენოვან საქართველოს მოქალაქე აბიტურიენტებს მხოლოდ აფხაზური ან ოსური ენის გამოცდების შედეგების საფუძველზე.

სწავლება მიმდინარეობს მხოლოდ ქართულ ენაზე.

პროგრამაზე დაშვების წინაპირობა არის ერთიან ეროვნულ გამოცდებში მშობლიურ ენაზე ზოგად უნარებში მინიმალური კომპეტენციის ზღვრის გადალახვა.ერთიანი ეროვნული გამოცდების ჩატარებას უზრუნველყოფს საჯარო სამართლის იურიდიული პირი – გამოცდების ეროვნული ცენტრი. უმაღლეს საგანმანათლებლო დაწესებულებაში ჩარიცხვის ზოგადი წესიდან გამონაკლისი დაიშვება მხოლოდ კანონით დადგენილ შემთხვევაში.პროგრამაზე მობილობის წესით ჩარიცხვა შესაძლებელია საქართველოს კანონმდებლობით დადგენილი წესით. სხვა უმაღლესი სასწავლებლიდან სტუდენტის კავკასიის განათლების სკოლაში გადმოსვლის სურვილის შემთხვევაში, საკითხს შეისწავლის და საბოლოო გადაწყვეტილებას ღებულობს საგანმანათლებლო პროგრამების დირექტორი და სკოლის დეკანი, მათ მიერ შეთანხმებული შესაბამისობის საფუძველზე, სტუდენტის ჩარიცხვა ხორციელდება უნივერსიტეტის პრეზიდენტის ერთიანი ბრძანებით. 

ალუდა გოგლიჩიძე

დეკანი

ტელ.: (+995 32) 237 77 77 (498)

მობ.: 577 977303

ელ.ფოსტა: agoglichidze@cu.edu.ge

მარიამ მანჯგალაძე

ქართულ ენაში მომზადების საგანმანათლებლო პროგრამის აკადემიური ხელმძღვანელი 

ტელ.: (+995 32) 237 77 77 

მობ.: 599 105 140

ელ.ფოსტა: mmanjgaladze@cu.edu.ge