მენიუ

მასპინძლობის მენეჯმენტის ერთობლივი 3 წლიანი პროგრამა ფერლი დიკინსონის უნივერსიტეტთან ერთად, აშშ

კავკასიის უნივერსიტეტისა და ფერლი დიკინსონის უნივერსიტეტის (აშშ) ერთობლივი პროგრამა მასპინძლობის მენეჯმენტში პირველი 3 წლიანი საბაკალვრო პროგრამაა საქართველოში, რომლის დასრულების შემდეგაც სტუდენტი მიიღებს ორი უნივერსიტეტის დიპლომს. პროგრამა სტუდენტს ანიჭებს კავკასიის ტურიზმის სკოლის ბაკალავრის აკადემიურ ხარისხს ტურიზმში და ფერლი დიკინსონის ჰუმანიტარული მეცნიერებების ბაკალავრის ხარისხს მასპინძლობასა და ინოვაციურ და მაღალხარისხიან ტურიზმში.

 

პროგრამის ხანგრძლივობა:

 

3 წლიანი საბაკალავრო პროგრამა გულისხმობს პირველი 5 სემესტრის განმავლობაში საქართველოში სწავლას, ქართველი და უცხოელი პროფესორების მიერ,  ხოლო ბოლო, მე-6 სემესტრს, სტუდენტი სწავლას აგრძელებს ნიუ-ჯერსში, აშშ-ში.

 

პროგრამის უნიკალური მხარეები:

 

  • ერთობლივი საბაკალავრო პროგრამა, ორი უნივერსიტეტის დიპლომი.
  • პირველი 3 წლიანი საბაკალავრო პროგრამა საქართველოში;
  • პირველი საბაკალავრო პროგრამა მასპინძლობის მენეჯმენტში;
  • უცხოელი და ქართველი მაღალკვალიფიციური ლექტორები.

 

სწავლების ენა: ინგლისური

 

მისანიჭებელი ხარისხი:

 

  • კავკასიის უნივერსიტეტი - ბაკალავრის ხარისხი ტურიზმში
  • ფერლი დიკინსონის უნივერსიტეტი - ბაკალავრის ხარისხი მასპინძლობასა და ინოვაციურ და მაღალხარისხიან ტურიზმში

(200 კრედიტი, აქედან 50 კრედიტს სტუდენტი აგროვებს ფერლი დიკინსონის უნივერსიტეტში).

 

საერთაშორისო რეიტინგები და აკრედიტაცია:

 

ფერლი დიკინსონის უნივერსიტეტის მასპინძლობის, სპორტისა და ტურიზმის მენეჯმენტის საერთაშორისო სკოლა მოწინავე ადგილებს იკავებს საერთაშორისო რეიტინგებში:

  • 2020 წელს კოლეჯის რანგის მიხედვით ქვეყნის ერთ-ერთ საუკეთესო პროგრამად დასახელდა;
  • 2019 წელს TheBestSchools.org-ის ქვეყნის მასპინძლობის მენეჯმენტის პროგრამების სიაში მეექვსე ადგილი დაიკავა;
  • ჟურნალ CEOWORLD-მა მეხუთე ადგილი მიანიჭა მსოფლიოს ყოველწლიური საუკეთესო მასპინძლობისა და სასტუმროს მენეჯმენტის სკოლების რეიტინგში;
  • 2016 წლის მონაცემით, სკოლა Princeton Review-ს ”Gourman Report”-ის 15 საუკეთესო ოთხწლიან მასპინძლობის მენეჯმენტის პროგრამათა სიაში მოხვდა;
  • org–ის გამოკითხვით, ქვეყნის 25 საუკეთესო მასპინძლობის კოლეჯის სიაში მეექვსე ადგილი დაიკავა.

 

საერთაშორისო აკრედიტაციები:

 

  • TedQual.

მასპინძლობის მენეჯმენტის ერთობლივი საბაკალავრო პროგრამა მოიცავს 200 ECTS კრედიტს. მისი ხანგრძლივობა 3 წელია. 

 

პროგრამის დასრულების შემდეგ, კურსდამთავრებულებს მიენიჭებათ კავკასიის უნივერსიტეტისა და ფერლი დიკინსონის უნივერსიტეტის ერთობლივი აკადემიური ხარისხი. სტუდენტებს შესაძლებლობა ეძლევათ დაასრულონ ერთობლივი საბაკალავრო პროგრამა CU (კავკასიის უნივერსიტეტი) და FDU (Fairleigh Dickinson University)–ში, რომელიც გულისხმობს 50 ECTS კრედიტის დაგროვებას FDU–ს მიერ შეთავაზებული კურსებით, ხოლო 150 ECTS კრედიტის დაგროვებას კავკასიის უნივერისტეტის მიერ შეთავაზებული კურსებით.

 

კავკასიის უნივერსიტეტში პირველი 5 სემესტრის დასრულებისა და 175 ECTS (150 ECTS კრედიტი კავკასიის უნივერსიტეტის მიერ შეთავაზებული კურსები, 25 ECTS კრედიტი FDU-ს მიერ შეთავაზებული კურსები) კრედიტის მოპოვების შემდეგ, სტუდენტები ვალდებულნი არიან მე–6 სემესტრის განმავლობაში FDU-ს მიერ შემოთავაზებული სასწავლო კურსების 25 ECTS კრედიტის ასათვისებლად ისწავლონ FDU–ში (ნიუ – ჯერსი).

 

საუნივერსიტეტო სავალდებულო სასწავლო კურსები გათვალისწინებულია 55 ECTS კრედიტის ოდენობით: აქედან 20 ECTS ეთმობა უცხო ენების მოდულს (3 ენის სწავლება).

 

დარგობრივი სავალდებულო სასწავლო კურსები გათვალისწინებულია 140 ECTS კრედიტის ოდენობით.  დარგობრივი არჩევითი სასწავლო კურსები გათვალისწინებულია 5 ECTS კრედიტის ოდენობით, რომელიც სტუდენტმა უნდა აირჩიოს პროგრამით შემოთავაზებული 15 ECTS კრედიტიდან.

 

1 ECTS კრედიტი უდრის  25 საათს, რაც მოიცავს როგორც სტუდენტის საკონტაქტო დატვირთვის დროს (ლექცია, სემინარი, პრაქტიკული და სხვა), ასევე მისი დამოუკიდებელი მუშაობისა და კონსულტაციებისთვის  განკუთვნილ დროს.

 

 პროგრამის ბროშურა

მასპინძლობის მენეჯმენტის ერთობლივი 3 წლიანი პროგრამაზე სწავლის უფლება აქვს სრული ზოგადი განათლების მქონე პირს.

ბაკალავრიატის საგანმანათლებლო პროგრამაზე მიღების წინაპირობაა ერთიანი ეროვნული გამოცდები.

 

სწავლების საფასური: საქართველოს მოქალაქეებისათვის წელიწადში 15 500 ლარი.

 

ერთიან ეროვნულ გამოცდებზე ჩასაბარებელი საგნები:

 

  • ქართული ენა და ლიტერატურა;

  • უცხოური ენა (ინგლისური);

  • ერთ-ერთი შემდეგი სავალდებულო საგნებიდან (მათემატიკა ან ისტორია ან გეოგრაფია).

 

 

 

დიკო კოპალეიშვილი

დეკანი

ტელ: (+995 32) 237 77 77 (270)

მობ: 599 90 45 74

ელ.ფოსტა: dkopaleishvili@cu.edu.ge 

ოთახი: B28

 

თორნიკე ფურცელაძე

საბაკალავრო და სამაგისტრო პროგრამების ადმინისტრაციული დირექტორი

ტელ: (+995 32) 237 77 77 (238)
მობ: 555 97 18 17 
ელ.ფოსტა: tpurtseladze@cu.edu.ge

ოთახი: B26

 

გიორგი ბრეგაძე 

პროგრამის ხელმძღვანელი

მობ: 551 08 08 93

ელ.ფოსტა: gbregadze@cu.edu.ge