მენიუ

ინგლისური ფილოლოგია

ინგლისური ფილოლოგიის საბაკალავრო პროგრამა: მისანიჭებელი კვალიფიკაცია: ჰუმანიტარულ მეცნიერებათა ბაკალავრი ინგლისურ ფილოლოგიაში

 

ჰუმანიტარულ და სოციალურ მეცნიერებათა სკოლის ინგლისური ფილოლოგიის საბაკალავრო საგანმანათლებლო პროგრამა უზრუნველყოფს მაღალკვალიფიციური და კონკურენტუნარიანი სპეციალისტის მომზადებას ინგლისურ ფილოლოგიაში.

 

ზემოთქმულიდან გამომდინარე, მოცემული საბაკალავრო პროგრამის მიზანია სტუდენტს გადასცეს ინგლისური ფილოლოგიის სპეციალისტისათვის აუცილებელი ცოდნა და უნარები, რაც მოიცავს ინგლისური ენის მაღალ, პროფესიულ დონეზე შესწავლას (С1), ინგლისური ლიტერატურისა და კულტურის კომპლექსურ შესწავლას, თარგმანის საფუძვლებისა და დარგობრივი ენის თავისებურებების ცოდნას (კონცენტრაციის მოდულის არჩევის შემთხვევაში), ასევე, ტექსტის ინტერპრეტაციის, ლინგვისტური ანალიზისა და ლიტერატურული კრიტიკის უნარის განვითარებას.

 

ინგლისური ფილოლოგიის საბაკალავრო პროგრამის კურსდამთავრებულებს შესაძლებლობა ექნებათ დასაქმდნენ:

  • ორგანიზაციებში, სადაც მოითხოვება ინგლისური ენის სპეციალისტი, ტექსტის შედგენის, რედაქტურისა თუ თარგმანის (კონცენტრაციის მოდულის არჩევის შემთხვევაში) განხრით (მედიაკომპანიები, გამომცემლობები, ფინანსური თუ ტურისტული კომპანიები და ა. შ.);
  • საელჩოებსა და საერთაშორისო ორგანიზაციებში;
  • სასწავლო-საგანმანათლებლო დაწესებულებებში;
  • სამეცნიერო-კვლევით ინსტიტუტებში;
  • სამთავრობო და არასამთავრობო სექტორში.

საბაკალავრო საგანმანათლებლო პროგრამა მოიცავს 240 ECTS კრედიტს, წელიწადში – 60 ECTS კრედიტს, სემესტრში – 30 ECTS კრედიტს. შესაბამისად, საბაკალავრო პროგრამის სავარაუდო ხანგრძლივობა შეადგენს 4 წელს.

 

სასწავლო წელი  აგებულია სემესტრული პრინციპით. სემესტრი მოიცავს სასწავლო კვირათა ერთობლიობას, დამატებითი გამოცდების ჩატარებისა და დამატებით გამოცდებზე სტუდენტის მიღწევის შეფასების პერიოდს. აკადემიური წელი არის სემესტრების ერთობლიობა და მათ შორის დასვენების პერიოდი.

 

1 ECTS კრედიტი უდრის 25 საათს, რაც მოიცავს, როგორც სტუდენტის საკონტაქტო დატვირთვის დროს (ლექცია, სემინარი, პრაქტიკუმი და სხვა), ასევე მისი დამოუკიდებელი მუშაობის დროს (შუალედური და საბოლოო შეფასებისათვის, აგრეთვე საშინაო დავალების მომზადებისა და პრეზენტაციისათვის განკუთვნილ საათს).  საბაკალავრო საგანმანათლებლო პროგრამის ვადის ამოწურვის შემდეგ აკადემიური დავალიანების მქონე სტუდენტს უფლება აქვს საგანმანათლებლო პროგრამის დასრულების მიზნით, სწავლა განაგრძოს დამატებითი სემესტრების (არა უმეტეს 4 სემესტრისა) განმავლობაში, სტუდენტის სტატუსის შენარჩუნებით.

 

იხილეთ პროგრამა

საბაკალავრო საგანმანათლებლო პროგრამაზე ჩარიცხვის უფლება აქვს სრული ზოგადი განათლების მქონე საქართველოს მოქალაქეს, ერთიანი ეროვნული გამოცდების შედეგების საფუძველზე.  უცხო ენად ბარდება მხოლოდ ინგლისური ენა.

 

ერთიანი ეროვნული გამოცდების გარეშე, საბაკალავრო საგანმანათლებლო პროგრამაზე სტუდენტთა მიღება/ჩარიცხვა ხორციელდება მოქმედი კანონმდებლობის შესაბამისად.

 

საბაკალავრო საგანმანათლებლო პროგრამაზე უცხო ქვეყნის მოქალაქეების და მობილობის წესით ჩარიცხვა შესაძლებელია საქართველოს კანონმდებლობით დადგენილი წესით.

 

ჩასაბარებელი საგნები:

 
ქართული ენა და ლიტერატურა;
უცხო ენა (გერმანული ან ინგლისური ან რუსული ან ფრანგული);
სავალდებულო საგნებიდან (ისტორია, ლიტერატურა).

დავით ნატროშვილი

დეკანი

ტელ.: (+995 32) 237 77 77 (260)

მობ.: 577 905 990

ელ.ფოსტა: dnatroshvili@cu.edu.ge

 

თინათინ გიორგაძე

სამაგისტრო და საბაკალავრო პროგრამების ადმინისტრაციული დირექტორი 

ტელ.: (+995 32) 237 77 77 (283)

მობ.: 599 795 554

ელ.ფოსტა: tgiorgadze@cu.edu.ge 

 

ნინო ხვლეური

საგანმანათლებლო პროგრამების ადმინისტრაციული დირექტორი

ტელ: (+995 32) 237 77 77 (276)

მობ: 577 687 775      

ელ.ფოსტა: nkhvleuri@cu.edu.ge

 

 

სტუდენტთა მომსახურებისა და სასწავლო პროცესის მონიტორინგის დეპარტამენტი

ოთახი A1