SPELABA

                                                                              

 

თურქეთის ტერიტორიაზე მდებარე ისტორიული ქართული ტერიტორიების - სპერის, ბაიბურთის და ლაზეთის - კულტურული ძეგლების ბეჭდური და ციფრული კატალოგები - SPELABA

 

 

პროექტის მიზნები:

 

სპერი, ბაიბურთი და ლაზეთი (ისტორიული საქართველოს, ამჟამად თურქეთის ტერიტორია) განსაკუთრებული მნიშვნელობის მატარებლებია საქართველოს ისტორიაში, თუმცა, არ ჩატარებულა კვლევა მათი ძეგლებისა და მატერიალური კულტურის ნიმუშების შესასწავლად. დღევანდლამდე მათ შესახებ არ არსებობს სერიოზული და სანდო მონაცემები. ზემოთ ხსენებული ბეჭდული და ონლაინ კატალოგის შექმნა შესაძლებელი იქნება მხოლოდ ხანგრძლივი კვლევების შემდეგ, რომლებიც გააერთიანებს სხვადასხვა მეთოდოლოგიას, გამოიყენებს ექსპედიციების მიერ მოძიებულ მონაცემებს და საარქივო მასალებს.

 

კვლევა ჩატარდება რამდენიმე ეტაპად:

 

  • სპერის, ბაიბურთისა და ლაზეთის შესახებ სამეცნიერო, სხვა სახის მასალებისა და ბეჭდური წყაროების მოძიება;
  • არეალის დაყოფა რამდენიმე ტერიტორიად, რომელიც შესაბამისობაში იქნება დღევანდელი თურქეთის ადმინისტრაციულ მოწყობასთან;
  • საარქივო და ბეჭდური მასალების გაერთიანება (ისტორიულ ტოპონიმებთან ან მატერიალური კულტურის ძეგლებთან დაკავშირებული) თითოეული რეგიონისთვის, რომლებიც დატანილია თურქულ, რუსულ, საბბჭოთა, ევროპულ და ქართულ რუკებზე.
  • ზემო აღნიშნული მასალების კომპილირება გეოგრაფიულ და სხვა რელევანტურ ონლაინ მასალებთან;
  • არქიტექტურული ძეგლების წინასწარი ნუსხის შედგენა მდებარეობის დადგენის გზით;
  • ექსპედიციის აღჭურვა და საქმიანობის კონკრეტული დარგების დაგეგმვა კლიმატური და ეკოლოგიური ფაქტორების გათვალისწინებით (ექსპედიციის ტექნიკური ბაზები უკვე გამართული და ხელმისაწვდომია).
  • მომზადებული მასალების გამოყენება თურქეთის ტერიტორიაზე კვლევითი ექსპედიციის გასაგზავნად ადგილობრივი მოსახლეობისა და მათ მიერ მოწოდებული ინფორმაციის დახმარებით;
  • მატერიალური ძეგლების GPS კოორდინატების ფოტოგრაფირება, აღწერა და მდებარეობის დადგენა.

 

პროექტის ფარგლებში განსახორციელებლი საქმიანობა და შედეგები:

 

ონლაინ კატალოგში შევა ინფორმაცია სპერის, ბეიბურთისა და ლაზეთის კულტურული ძეგლების შესახებ; ინფორმაცია მოცემული იქნება ორ ენაზე (ქართული და ინგლისური). აღწერილი იქნება ძეგლის მდებარეობა (ისტორიული და ამჟამინდელი ტოპონიმი), GPS კოორდინატები, ძეგლების აღწერა ორ ენაზე, არსებული წერილობითი წყაროები, ფოტო მასალები (საარქივო და ასევე ამჟამინდელი მდებარეობა რუკებზე), ძეგლების გეგმარება. ამასთან ერთად კატალოგში შევა 2013-2016 წლებში კავკასიის უნივერსიტეტის პროექტის მასალები (დაფინანსებული შოთა რუსთაველის ეროვნული ფონდის მიერ). საბოლოოდ შეიქმნება თურქეთის ტერიტორიაზე მდებარე ქართული კულტურული ძეგლები 7 ტომიანი ბეჭდური და ონლაინ კატალოგი.

ეს ყოველივე მნიშვნელოვან გავლენას იქონიებს და გაზრდის ინფორმირებულობას ქართული ინსტორიული ტერიტორიებისა და საქართველოს ფარგლებს გარეთ არსებული ძეგლების შესახებ. მოპოვებული ინფორმაცია ხელმისაწვდომი იქნება როგორც ქართული ასევე საერთაშორისო საზოგადოებისთვის.

 

პროექტის დაწყებისა და დასრულების თარიღები: 07.2018 - 07.2021

კოორდინატორი უნივერსიტეტი: კავკასიის უნივერსიტეტი, საქართველო