31 მაისს, 20:00 საათზე, ჩატარდება TH Wildau-ს უნივერსიტეტის წარმომადგენლების პირდაპირი ჩართვა ციფრული ლოგისტიკის მენეჯმენტის ერთობლივი სამაგისტრო პროგრამის შესახებ. სამაგისტრო პროგრამა გაძლევთ უნიკალურ შანსს მიიღოთ ლოგისტის მართვის და ტექნოლოგიების უმაღლესი დონის განათლება, შეიქმნათ საერთაშორისო ლოგისტის კარიერა და რაც მთავარია მიიღოთ ორი წამყვანი უნივერსიტეტის დიპლომი
TH Wildau-ს უნივერსიტეტი მოწინავეა ტექნოლოგიების დარგში, ის გერმანიის ლოგისტიკური გამოყენებითი მეცნიერებების უნივერსიტეტებში ერთ-ერთი საუკეთესოა და ბრანდენბურგის შტატში გამოყენებითი მეცნიერების უდიდესი უნივერსიტეტია. პირდაპირი ჩართვა კითხვა პასუხის რეჟიმში წარიმართება. ლაივის მსვლელობისას, სპიკერები განიხილავენ ისეთ საკითხებს, როგორიცაა - ლოგისტი, როგორც ძირითადი პროფესია თანამედროვე ეკონომიკაში, გადამზიდველის პერსპექტივები და შესაძლებლობები, ასევე უპასუხებენ კითხვებს სამაგისტრო პროგრამის შესახებ.
სამუშაო ენა - ინგლისური
სპიკერები:
- პროფ. ფრანკ გილერტი(Frank Gillert), TH Wildau-ს უნივერსიტეტი
- პროფ. ანდრეას დუდლიკი(Andreas Dudlik), TH Wildau-ს უნივერსიტეტი
მოდერატორი: პროფ. გიორგი დობორჯგინიძე, კავკასიის უნივერსიტეტი.
ლოგისტიკა წარმოადგენს მაღალტექნოლოგიურ დარგს, რომელიც როგორც საქართველოში, ისე მსოფლიოს მასშტაბით განიცდის გამოცდილი კადრების ღრმა დეფიციტს. დღეს, ლოგისტის პროფესია არის ერთ-ერთი ყველაზე მოთხოვნადი მსოფლიოში. ლოგისტიკის მენეჯერის პოზიცია კომპანიაში წარმოადგენს ერთ-ერთ ქვაკუთხედს, რომელიც გეგმავს და მართავს მთლიან მიწოდების ჯაჭვს, დაწყებული ნედლეულის შეძენით, წარმოებით და დამთავრებული პროდუქტის მიწოდებით საბოლოო მომხმარებლისთვის.
თუ ხართ დაინტერესებული ბიზნესის ან ლოგისტიკის სფეროთი და გსურთ მომავალში თქვენი საქმიანობა სწორედ ლოგისტიკის მენეჯმენტის მიმართულებას უკავშირდებოდეს, დაესწარით ლაივს, მოისმინეთ დეტალური ინფორმაცია ციფრული ლოგისტიკის მენეჯმენტის სამაგისტრო პროგრამის შესახებ და დასვით თქვენთვის საინტერესო კითხვები.
პროგრამის შესახებ დამატებითი ინფორმაციის მისაღებად იხილეთ ბმული.