ავსტრიის მეცნიერებისა და კვლევის სამინისტრო, აცხადებს Ernst Mach-ის გაცვლით სასტიპენდიო პროგრამაზე განაცხადების მიღებას ზალსბურგის გამოყენებით მეცნიერებათა უნივერსიტეტში, ავსტრია (FH Salzburg University of Applied Sciences, Austria) სასწავლებლად.

მობილობის დაგეგმვა შესაძლებელია ერთი სემესტრით (2024 შემოდგომა ან 2025 გაზაფხულის სემესტრი), ან/და სრულად 2024/2025 აკადემიური წლისთვის. განაცხადის წარმოდგენისას, სტუდენტმა სააპლიკაციო ფორმაში, შესაბამის გრაფაში, უნდა მიუთითოს აღნიშნული ინფორმაცია. 

Ernst Mach-ის გაცვლით სასტიპენდიო პროგრამაზე განაცხადების წარმოდგენა შესაძლებელია შემდეგ აკადემიურ მიმართულებებზე:

კონკურსი დაყოფილია ორ ეტაპად:

• I ეტაპზე, კავკასიის უნივერსიტეტის მიერ მოხდება სტუდენტების შერჩევა და ნომინირება ზალსბურგის გამოყენებით მეცნიერებათა უნივერსიტეტში. შერჩეულ კანდიდატებს მიმღები უნივერსიტეტიდან ეგზავნებათ ჩარიცხვის წერილი (acceptance letter).
• მეორე ეტაპი გულისხმობს, მიღებული მოწვევის წერილის საფუძველზე, სტუდენტის მიერ საკონკურსო განაცხადის შეტანას უშუალოდ Ernst Mach -ის სასტიპენდიო პროგრამაზე 2024 წლის 1 თებერვლამდე.

კონკურსში მონაწილეობის მისაღებად, უნივერსიტეტის აქტიურმა სტუდენტებმა, შემდეგი დოკუმენტები უნდა წარმოადგინონ ინგლისურ ენაზე:

• პირადობის მოწმობის ან პასპორტის ასლი;
• შევსებული სააპლიკაციო ფორმა (იხ.დანართი #1);
• EUROPASS CV ;
• ცნობა აქტიური სტუდენტის სტატუსის შესახებ;
• უცხო ენის ცოდნის დამადასტურებელი სერტიფიკატი (IELTS – 6.0\TOEFL-78);
• ნიშნების ფურცელი;
• 1 სამოტივაციო წერილი;
• 1 სარეკომენდაციო წერილი სკოლისგან (არ მიიღება ენის ლექტორის მიერ გაცემული რეკომენდაცია)

კონკურსში მონაწილეობის მიღება არ შეუძლიათ:

• საბაკალავრო პროგრამის დამამთავრებელი სემესტრის სტუდენტებს;
• სამაგისტრო პროგრამის დამამთავრებელი სემესტრის სტუდენტებს;
• 35 წელს გადაშორებულ კანდიდატებს

არ განიხილება იმ სტუდენტთა განაცხადები, რომლებიც:

• არ აკმაყოფილებენ გაცვლით პროგრამაში მონაწილეობისათვის ჩარჩო ხელშეკრულებითა და კავკასიის უნივერსიტეტის საერთაშორისო ურთიერთობების დეპარტამენტის დებულებით დადგენილ მოთხოვნებს;
• წარმოდგენილი განაცხადები იქნება არასრულყოფილი ან დადგენილი მოთხოვნების შეუსაბამო;
• დაგვიანებით, ან ეტაპობრივად წარმოდგენილი განაცხადები არ განიხილება.

კანდიდატებს განაცხადების წარმოდგენა შეუძლიათ ელექტრონული ფორმით 2023 წლის 29 დეკემბრის ჩათვლით შემდეგ ელექტრონულ მისამართზე: ir@cu.edu.ge        

კანდიდატებმა ელ-ფოსტის სათაურში უნდა მიუთითონ გრანტის დასახელება (Ernst Mach Grant), წარმოდგენილი დოკუმენტები უნდა იყოს შესაბამისად დასათაურებული.

გთხოვთ, გაითვალისწინეთ, რომ პროგრამაში მონაწილე სტუდენტს, სწავლის დასრულება არ შეუძლია პარტნიორ უნივერსიტეტში.

შერჩევის პროცედურა:

• წარმოდგენილ სააპლიკაციო დოკუმენტებს განიხილავს კავკასიის უნივერსიტეტის საკონკურსო კომისია.
• კომისიის მიერ მოხდება შერჩეული კანდიდატების ნომინირება ზალსბურგის გამოყენებით მეცნიერებათა უნივერსიტეტში;
• სტუდენტების საბოლოო შერჩევა მიმღები უნივერსიტეტის მიერ და ჩარიცხვის წერილის გამოგზავნა.
• კონკურსის მეორე ეტაპთან დაკავშირებით, რაც გულისხმობს Ernst Mach სტიპენდიაზე განაცხადის შეტანას, კანდიდატებს დამატებით დაუკავშირდება საერთაშორისო ურთიერთობების დეპარტამენტი.

დამატებითი ინფორმაციისთვის მიმართეთ კავკასიის უნივერსიტეტის საერთაშორისო ურთიერთობების დეპარტამენტს შემდეგ ელექტრონულ მეილზე- ir@cu.edu.ge. ან, ეწვიეთ დეპარტამენტის ოფისს, მეორე სართული, ოთახი B25.