პროექტი „მე მიყვარს ქართული - ჩემი სახელმწიფო ენა“ ქართული ენის დღეების ფარგლებში, კავკასიის უნივერსიტეტის საკონფერენციო დარბაზში, 8 აპრილს, 15:00 საათზე, სტუდენტებისთვის კალიგრაფიის კონკურსი - „ჩემი ხელწერა" ჩატარდება.
დასაწერად სტუდენტები აირჩევენ აფორიზმს, ფრაზას ან გამონათქვამს.
რეგისტრაციის ბოლო ვადაა 6 აპრილი, ეწვიეთ ბმულს.
დროის ლიმიტი: 40 წუთი.
კომისიის თავმჯდომარე: პროფესორი ბუბა კუდავა
კომისიის წევრები: ბუბა ლეჟავა, ნუგზარ სხირტლაძე, დავით ნატროშვილი, მარიამ მანჯგალაძე, თათია ჩოკორაია, ვიდას კავალიაუსკასი (ლიეტუვის ენისა და კულტურის ცენტრი), თინათინ მარგალიტაძე (ილიაუნი) ეკა ჩიკვაიძე, ნინო პოპიაშვილი.
ღონისძიების მხარდამჭერები არიან:
• სახელმწიფო ენის დეპარტამენტი
• საქართველოს პარლამენტის ეროვნული ბიბლიოთეკა
• საქართველოს საელჩო ლიეტუვაში
• ლიეტუვის პარლამენტის საქართველოს მეგობართა ჯგუფი
მოთხოვნები:
- მოცემული ფრაზებიდან თუ გამონათქვამებიდან დასაწერად აირჩევენ ერთ-ერთს;
- დაწერენ მუხრან მაჭავარიანის ლექსს „ქართული მარტო ენაა?!“
- ტექსტის გადაწერისას გაფორმების სტილს თავად ირჩევენ
- წერენ მხოლოდ მხედრულად
შეფასების კრიტერიუმები:
- კალიგრაფიული ხელოვნება
- გაფორმება (სათაური, თავსართი, სხვა დეკორაციული ელემენტები...)
- გვერდის ორგანიზება
რა ნივთები გვჭირდება:
- A4 ფორმატის ოფსეტური ფურცლები
- შავი ფანქრები და საშლელები
- სხვადასხვა ფერის, მელნის ეფექტის მქონე კალმები