26 ოქტომბერს, კავკასიის უნივერსიტეტის სპორტულ მოედანზე, ჩატარდა საფეხბურთო ჩემპიონატი „ფეფეს თასი” 2026 შემოდგომის სემესტრის ფინალი.

საფინალო შეხვედრა გახსნეს კავკასიის უნივერსიტეტის პრეზიდენტმა კახა შენგელიამ, ქეინის უნივერსიტეტის პროვოსტმა და აკადემიურ საკითებში უფროსმა ვიცე პრეზიდენტმა - დევიდ ბერდსელმა, Ph.D, უფროსმა ვიცე პრეზიდენტმა სტუდენტური გამოცდილების მიმართულებით - ქეით გალაჰერმა და  გიორგი ნიშნიანიძის მამამ - მამუკა ნიშნიანიძემ.

ტურნირი ეძღვნება გიორგი ნიშნიანიძის (ფეფეს) ხსოვნას და ყოველწლიურად ტარდება კავკასიის უნივერსიტეტის სტუდენტებისა და თანამშრომლების მონაწილეობით.

• ჩემპიონატის გამარჯვებული გახდა კავკასიის ბიზნესის სკოლის (CSB) გუნდი „BLAUGRANA”
• მეორე ადგილი დაიკავა შერეულმა გუნდმა “PATCHKORA”
• მესამე ადგილი დაიკავა შერეულმა გუნდმა „რაბონა“

პირველ, მეორე და მესამე ადგილზე გასულ გუნდებს, კავკასიის უნივერსიტეტისგან გადაეცათ 1000, 750 და 500 ლარიანი ვაუჩერები. 

ფინალურ შეხვედრაზე გამოვლინდა საუკეთესო მოთამაშე - შოთა კუპრავა (შერეული გუნდი PATCHKORA).  ასევე, გამოვლინდა საუკეთესო მეკარე - ალექსანდრე ჯულუხიძე (CSB BLAUGRANA), რომლებსაც ჩემპიონატის სპონსორი, ქართული ბრენდი „ჯერარასდროს“ -გან გადაეცათ საჩუქრები.

პირველ ადგილზე გასულ გუნდს გადაეცა გარდამავალი თასი.

თამაშებს უძღვებოდნენ საქართველოს ფეხბურთის ფედერაციიდან მოწვეული მსაჯები.

ჩემპიონატის სპონსორები იყვნენ: Sandora Georgia, Coca-Cola Bottlers Georgia, Red Bull, ქართული ბრენდი „ჯერარასდროს“.