მენიუ

ნანა ფირცხელანი

ნანა ფირცხელანი კავკასიის უნივერსიტეტის სახელმწიფო მართვის სკოლის ასოცირებული პროფესორია. 2023 წლიდან კითხულობს ენერგეტიკულ პოლიტიკასა და უსაფრთხოებასთან დაკავშირებული კურსებს ქართულ და ინგლისურ ენებზე. 2022 წელს მიღებული აქვს საერთაშორისო ურთიერთობების დოქტორის ხარისხი კავკასიის უნივერსიტეტისგან. საერთაშორისო ურთიერთობების მაგისტრის ხარისხი  მოპოვებული აქვს საქართველოს საზოგადოებრივ საქმეთა ინსტიტუტისგან (2010) და საერთაშორისო ურთიერთობების ბაკალავრის ხარისხი თბილისის ივანე ჯავახიშვილის სახელობის სახელმწიფო უნივერსიტეტისგან (2000).

 

ნანა ფირცხელანს საჯარო და ენერგეტიკულ სექტორში საქმიანობის ოც წელზე მეტი ხნის გამოცდილება აქვს. 2004-2019 წლებში მუშაობდა სხვადასხვა ხელმძღვანელ პოზიციებზე   საქართველოს ენერგეტიკისა და ბუნებრივი რესურსების სამინისტროში, მათ შორის, ეკავა საერთაშორისო ურთიერთობების დეპარტამენტის უფროსის მოადგილისა და ენერგეტიკის მინისტრის მრჩევლის პოზიციები ენერგეტიკული უსაფრთხოებისა და საერთაშორისო თანამშრომლობის მიმართულებით. 2016 წელს ევროპული კომისიის მიერ დაჯილდოვდა INOGATE-ის პროგრამის ფარგლებში მრავალწლიანი წარმატებული საქმიანობისა და რეგიონული ენერგეტიკული თანამშრომლობის განვითარებაში შეტანილი მნიშვნელოვანი წვლილისათვის. სახელმწიფო სექტორში მუშაობის განმავლობაში მიღებული აქვს სამსახურებრივი ჯილდოები სხვადასხვა დონის კონფერენციებისა და სამთავრობო შეხვედრების წარმატებით ორგანიზებისათვის.

 

მისი სამეცნიერო და საექსპერტო საქმიანობის ძირითადი მიმართულებებია ენერგეტიკული უსაფრთხოება, გეოპოლიტიკური ტრანსფორმაციები, მდგრადი განვითარება და ევროპული ინტეგრაციის პროცესები. მისი საქმიანობა მოიცავს ევროკავშირის ენერგოუსაფრთხოების გამოწვევების, სამხრეთის ენერგეტიკული დერეფნისა და ენერგოდამოკიდებული სახელმწიფოების ეროვნული უსაფრთხოების ინტერესების პრიორიტეტიზაციის საკითხებს.

 

მას გავლილი აქვს George C. Marshall European Center for Security Studies-ისა და NATO Energy Security Centre of Excellence-ის სასწავლო პროგრამების სასერტიფიკატო კურსები; ასევე, ვისკონსინის უნივერსიტეტის (აშშ) სასწავლო კურსი ენერგეტიკული პოლიტიკისა და ენერგეტიკული ეკონომიკის საკითხებში. სხვადასხვა დროს მონაწილეობდა ევროკავშირის წევრ ქვეყნებში განხორციელებულ სპეციალიზებულ სასწავლო პროგრამებსა და ენერგეტიკული უსაფრთხოების საკითხებზე გამართულ საერთაშორისო შეხვედრებში.

  • Pirtskhelani, N. (2024). Sustainable energy development – Georgia’s new security challenge in the era of globalization. In Collection of Scientific Works No. 11: Science for Sustainable Development 2024 (pp. 89–100). Caucasus University Publishing House.
  • Pirtskhelani, N. (2024). Military-political aspects of the energy paradigms of Russia, Ukraine and the European Union. Science and Technologies, (1(744)).
  • Pirtskhelani, N. (2022). Input paper: Energy security agenda for Georgia and the path towards an integrated European energy market. The Center for Liberal Modernity (LibMod). Berlin, Germany.
  • Pirtskhelani, N. (2022). Problems of prioritization national security interest of energy import-dependent states (Case studies: Georgia and Lithuania). Georgian Scientists, 3(4).
  • Pirtskhelani, N. (2020). Energy security challenges of the EU and Eastern Partnership countries in the changing regional context. In Collection of Scientific Works No. 10. Caucasus University Publishing House.
  • Pirtskhelani, N. (2012). Projects under Southern Energy Corridor and energy security of Georgia in the changing regional context. In Proceedings of the conference “Trans-Anatolian gas pipeline: Challenges and prospects for the Black Sea countries and the Balkans”. Qanun Publishing House.